Gürcüstanın turizm sektorunun ötənilki vergi öhdəlikləri silinib

Gürcüstanın turizm sektorunun 2021-ci il üzrə daşınmaz əmlak vergisi üzrə öhdəlikləri silinib.

“Report”un yerli bürosu xəbər verir ki, bu barədə ölkənin Baş naziri İrakli Qaribaşvili hökumətin iclasında bildirib.

O, turizm sahəsindəki cari vəziyyətin və mövcud problemlərin öyrənildiyini deyib: “COVID-19 pandemiyasına görə məhz bu sahə, həmçinin mehmanxana-restoran sənayesi də zərər çəkib. Buna görə də bu sektor 2021-ci il üçün daşınmaz əmlaka görə vergidən azad edilib. Hesab edirəm ki, bu addım turizm sahəsi üçün mühüm yardım olacaq”.