Gürcüstanın iqtisadiyyat nazirinə turizm üzrə müavin təyin olunub

Mariam Kvrivişvili Gürcüstanın iqtisadiyyat və dayanıqlı inkişaf nazirinin müavini təyin olunub.

“Report”un yerli bürosu xəbər verir ki, o, turizm, aviasiya və kurortların inkişafı istiqaməti üzrə fəaliyyət göstərəcək.

Təyinatdan öncə 31 yaşlı M.Kvrivişvili Gürcüstan parlamentinin üzvü olub. O, 2019-2020-ci illərdə Gürcüstanın Milli Turizm Administrasiyasının rəhbəri vəzifəsində çalışıb.