Bu il Azərbaycandan Gürcüstana səfər edənlərin sayı açıqlanıb

Bu ilin yanvar-aprel aylarında Azərbaycandan Gürcüstana 40 697 nəfər səfər edib.

“Report”un yerli bürosu xəbər verir ki, bu barədə Gürcüstanın Milli Turizm Administrasiyasının hesabatında bildirilib.

Sənədə əsasən, ziyarətçilərin sayı illik müqayisədə 24 096 nəfər və yaxud 2,4 dəfə artıb.

Hesabat dövründə Azərbaycan Gürcüstana səfər edənlərin sayı baxımından V yeri tutub. İlk dördlükdə Türkiyə (139 761 nəfər), Rusiya (105 349 nəfər), Ermənistan (91 190 nəfər) və İsrail (45 036 nəfər) yer alıb.

Yanvar-apreldə Gürcüstan ümumilikdə 820 796 nəfər beynəlxalq ziyarətçi qəbul edib ki, bu da ötən ilin eyni göstəricisindən 3,7 dəfə çoxdur.