Bakıda 4 illik fasilədən sonra Azərbaycan Beynəlxalq Turizm və Səyahətlər sərgisi keçiriləcək

Gələn il aprelin 26-27-də Bakıda 4 illik fasilədən sonra Azərbaycan Beynəlxalq Turizm və Səyahətlər Sərgisi (AITF-2023) keçiriləcək

Bu barədə "Report"a sərginin təşkilatçısı olan "Caspian Event Organisers" şirkətindən bildirilib.

Məlumata görə, AITF turizm sənayesinin aparıcı oyunçularını bir araya gətirəcək, onlara yeni əlaqələr qurmaq, satış coğrafiyasını genişləndirmək, ən son yeniliklər və tendensiyaları öyrənmək, yeni tərəfdaşlar və müştərilər tapmaq imkanı verəcək.

Sərgidə Azərbaycandan başqa Rusiya, Belarus, Polşa, Sloveniya, Xorvatiya Tailand, Tunis, və başqa ölkələrdən şirkətlər iştirak edəcək. Onların bir qismi tədbirə milli stendlərlə qatılacaq.

Sərginin ənənəvi iştirakçısı olan Bolqarıstan AITF 2023-ün baş sponsoru olacaq.