Azərbaycanla Özbəkistan arasında aviareyslərin sayının artırılması təklif olunur

Azərbaycanla Özbəkistan arasında turist səfərlərinin sayını artırmaq üçün iki ölkənin milli aviadaşıyıcılarının reyslərinin sayının artırılmasına ehtiyac var.

"Report" xəbər verir ki, bunu Özbəkistanın Azərbaycandakı səfiri Bahrom Aşrafxanov Bakı Ekspo Mərkəzində keçirilən 19-cu Azərbaycan Beynəlxalq Turizm və Səyahətlər Sərgisinin ("AITF 2023") açılış mərasimində bildirib.

"Hazırda Azərbaycan vətəndaşları Özbəkistana gələn turistlər arasında sayına görə 12-ci yerdədir. Ölkələrimiz arasındakı münasibətlər turist səfərlərinin sayını artırmağa imkan verir", - deyə o qeyd edib.