Azərbaycandan turist axını 6 dəfəyə yaxın azalıb

Azərbaycandan turist axını 6 dəfəyə yaxın azalıb Bu ilin yanvar-aprel ayları ilə müqayisədə xarici ölkələrə gedən Azərbaycan vətəndaşlarının sayı 5,8 dəfə azalaraq 162,8 min nəfər olub
Turizm
189
25 May , 2021 12:13
Azərbaycandan turist axını 6 dəfəyə yaxın azalıb

Bu ilin yanvar-aprel ayları ilə müqayisədə xarici ölkələrə gedən Azərbaycan vətəndaşlarının sayı 5,8 dəfə azalaraq 162,8 min nəfər olub.

Bu barədə “Report”a Dövlət Statistika Komitəsindən məlumat verilib.

Məlumata görə, ölkə vətəndaşlarının 42,4 %-i Türkiyəyə, 22,1 %-i Rusiya Federasiyasına, 9,4 %-i Gürcüstana, 6,9 %-i İrana, 19,2 %-i digər ölkələrə səfər edib.

Gedənlərin 75,4 %-ni kişilər, 24,6 %-ni qadınlar təşkil edib. Ötən ilin eyni dövrü ilə müqayisədə İrana gedən Azərbaycan vətəndaşlarının sayı 28,5 dəfə, Gürcüstana gedənlərin sayı 18,3 dəfə, Rusiyaya gedənlərin sayı 5,4 dəfə, Türkiyəyə gedənlərin sayı isə 1,3 dəfə azalıb.

2021-ci ilin yanvar-aprel aylarında xarici ölkələrə səfər edən Azərbaycan vətəndaşlarının 68,6 %-i hava, 25,1 %-i dəmir yolu və avtomobil, 6,3 %-i isə dəniz nəqliyyatından istifadə edib.

Son xəbərlər

Orphus sistemi