Azərbaycandan Gürcüstana səfər edənlərin sayı 89% azalıb

Bu ilin yanvar-noyabr aylarında Gürcüstan Azərbaycandan 166 643 nəfər ziyarətçi qəbul edib.

“Report”un yerli bürosu xəbər verir ki, bu barədə Gürcüstanın Milli Turizm Administrasiyasının hesabatında bildirilir.

Sənədə əsasən, bu, ötən ilin eyni dövrünə nisbətən 1 361 919 nəfər və yaxud 89,1% azdır.

11 ay ərzində qonşu ölkəyə səfər edən bütün beynəlxalq ziyarətçilərin sayı isə illik müqayisədə 80,5% azalaraq 1 696 093 nəfər təşkil edib.

Hesabat dövründə Gürcüstana qönşu ölkələr – Türkiyə, Ermənistan və Rusiyadan üz tutan ziyarətçilərin sayında isə illik müqayisədə müvafiq olaraq 79,1%, 87,9% və 92,1% azalma qeydə alınıb.