Azərbaycandan Gürcüstana səfər edənlərin sayı 2 dəfədən çox artıb

Ötən ay Azərbaycandan Gürcüstana 7 221 nəfər səfər edib.

“Report”un yerli bürosu xəbər verir ki, bu barədə Gürcüstanın Milli Turizm Administrasiyasının hesabatında bildirilib.

Sənədə əsasən, bu, ötən ilin eyni dövrünə nisbətdə 4 083 nəfər və yaxud 2,3 dəfə çoxdur.

Yanvarda Azərbaycan Gürcüstanın ən çox ziyarətçi qəbul etdiyi ölkələrin ilk onluğunda VII yeri tutub. İlk üçlüyə Türkiyə (31 775 nəfər), Rusiya (28 381 nəfər) və Ermənistan (19 606 nəfər) daxil olub.

Hesabat ayında qonşu ölkə ümumilikdə 199 393 nəfər beynəlxalq ziyarətçi qəbul edib ki, bu da illik müqayisədə 5,7 dəfə çoxdur.