Azərbaycan vətəndaşları Rusiyaya gələn turistlərin sayına görə ilk 5-likdədir

Bakı. 4 sentyabr. REPORT.AZ/ Bu ilin I yarısında Rusiyaya 10,921 mln. nəfər turist gəlib. 

"Report" xəbər verir ki, bu rəqəmi Rusiyanın analitik agentliyi - "TurStat" açıqlayıb. 

Məlumata görə, bu, ötən ilin eyni dövrü ilə müqayisədə 0,2% azdır. 

Altı ay ərzində Rusiya ən çox Ukraynadan turist qəbul edib - 3,73 mln. nəfər və yaxud 4% az. Növbəti yerlərdə Qazaxıstan (1,544 mln. nəfər və yaxud 1% çox), Çin (667 min nəfər və yaxud 21% çox), Finlandiya (461 min nəfər və yaxud 9% az) və Azərbaycan (396 min nəfər və yaxud 2% az) vətəndaşları qərarlaşıb.