Azərbaycan Çindən turist cəlb edəcək

Bakı. 13 fevral. REPORT.AZ/ Azərbaycanla Çin arasında turizm sahəsində əməkdaşlıq memorandumunun imzalanması nəzərdə tutulur.

"Report" xəbər verir ki, bunu Azərbaycan-Çin iqtisadi əlaqələrinə dair bugünkü mətbuat konfransında iqtisadiyyat naziri Şahin Mustafayev bildirib. 

Onun sözlərinə görə, Çindən Azərbaycana turist səfərlərinin təşkili nəzərdə tutulur: "Bu da turistlərin sayını kəskin artıracaq. Məlumata görə, Çindən digər dünya ölkələrinə hər il 120 mln. turist səfər edir".