Yuxarı
    Bağlamaq

    Gürcüstana səfər edən turistlər arasında Azərbaycan vətəndaşları birinci yerdədir 

    2016-cı ildə bu ölkəyə 6 milyon 350 min 625 nəfər xarici vətəndaş səfər edib

    Tbilisi. 4 yanvar. REPORT.AZ/ Ötən il Gürcüstana 1 523 075 nəfər Azərbaycan vətəndaşı səfər edib.

    “Report”un Gürcüstan bürosu xəbər verir ki, bu göstərici ilə Azərbaycan vətəndaşları Gürcüstana səfər edən xarici ölkə vətəndaşları sırasında birinci yerdədir.

    Gürcüstanın Milli Turizm Administrasiyasından “Report”un Gürcüstan bürosuna bildiriblər ki, 2010-cu ildə bu ölkəyə cəmi 497969 min Azərbaycan vətəndaşı səfər edib. 2011-ci ildə bu rəqəm 714418 ( artım 30 faiz), 2012-ci ildə 931933 (15 faiz artım), 2013-cü ildə 1075857 (19 faiz artım), 2014-cü ildə 1283214 (9 artım), 2015-ci ildə isə 1393257 (9 faiz artım) təşkil edib.

    Keçən il Azərbaycandan bu ölkəyə gələn turistlərin sayı 2015-ci il ilə müqayisədə 129818 nəfər və yaxud da 9,3 faiz çoxdur.

    Ümumilikdə isə 2016-cı ildə Gürcüstana 6 milyon 350 min 625 nəfər xarici ölkə vətəndaşı səfər edib.

    Gürcüstana gələn xaricilər sırasında ermənilər ikinci, Türkiyə vətəndaşları üçüncü, rusiyalılar isə dördüncü yerdədirlər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi