Yuxarı
    Bağlamaq

    Əbülfəs Qarayev devalvasiyanın turizm sektoruna təsirinə münasibət bildirib

    Xarici valyuta ilə müəyyən olunan qiymətlərdə dəyişikliklər olacaq

    Bakı. 23 dekabr. REPORT.AZ/ Mədəniyyət və turizm naziri Əbülfəs Qarayev Mərkəzi Bankın manatın üzən məzənnəyə keçməsi qərarının turizm sektoruna təsir edib-etməyəcəyi məsələsinə münasibət bildirib.

    “Report”un xəbərinə görə, nazir jurnalistlərə açıqlamasında bildirib ki, xarici valyuta ilə müəyyən olunan qiymətlərdə dəyişikliklər olacaq.

    Əbulfəs Qarayevin sözlərinə görə, Azərbaycanın daxilində manatla aparılan xidmətlərin qiyməti süni şəkildə artırılmamalıdır: "Artırılma olacaqsa, o, ümumi ölkənin iqtisadi bazarına uyğun şəkildə aparılmalıdır. Bazarda qidanın qiyməti qalxacaqsa, həmin qidanın oteldə təqdim edilməsi sözsüz ki, bahalaşacaq. Amma ümumi şəkildə ölkədə tənzimlənən mexanizmlər düzgün qurulsa, biz buna əminik ki, o zaman qiymətlərin suni şəkildə artırılmasını müşahidə etməyəcəyik”.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi