Yuxarı
    Bağlamaq

    AZAL aviareyslərdə yeni güzəştli baqajdaşıma şərtləri tətbiq edib

    Sərnişinlər velosipedi onun ölçüləri və çəkisinə görə əlavə ödəniş etmədən daşıya bilərlər

    Bakı. 6 yanvar. REPORT.AZ/ “Azərbaycan Hava Yolları” (AZAL) QSC aviareyslərində baqajın daşımasında növbəti güzəştləri təqdim edib. Bu barədə “Report”a AZAL-dan bildirilib.

    Bundan sonra, AZAL və “AZALJET” reysləri ilə uçan sərnişinlər velosipedi onun ölçüləri və çəkisinə görə əlavə ödəniş etmədən daşıya bilərlər.

    Bundan başqa, sərnişinlər Dubay-Bakı aviareyslərində televizoru aviaşirkətin və hava limanının qaydalarına riayət etməklə, ölçüləri və çəkisinə görə rüsum ödəmədən, təsbit edilmiş vahid qiymətə (110 dirhəm) keçirə bilərlər.

    Qeyd edək ki, mövsümlə əlaqədar dekabrın 29-dan aviaşirkətin reyslərində bir dəst xizək və ya snoubordun daşınmasına görə də əlavə ödəniş tutulmur.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi