Yuxarı
    Bağlamaq

    "Zəngin qız, fakir oğlan" da çəkilən aktyor Musiqili Teatra gəldi

    Gənc aktyor Musiqili Teatrda fəaliyyət göstərəcək

    Bakı.25 noyabr. REPORT.AZ/ Uzun müddətdir Türkiyənin TRT 1 kanalında yayımlanan məşhur “Zəngin qız, fakir oğlan” bədii televiziya serialında Həkim Ramin obrazıyla azərbaycanlı tamaşaçılara da yaxşı tanış olan aktyor Nicat Həbibov bu yaxınlarda Azərbaycan Dövlət Musiqili Teatrında çalışmağa başlayıb.

    "Report" xəbər verir ki, bu barədə xəbəri Musiqili Teatrın mətbuat xidməti yayıb. Gənc aktyor Nicat Həbibov mətbuata açıqlamasında “Musiqili Teatrda çalışmaq çoxdankı arzum idi. Bu arzumu həyata keçirmək üçün ötən ay teatrın direktoru Əliqismət Lalayevlə görüşdüm. Hər zaman gənclərə xüsusi diqqət və qayğısıyla seçilən Əliqismət müəllim məni hörmətlə qəbul etdi, dinlədi və illərdən bəri ürəyimdə gəzdirdiyim arzunu gerçəkləşdirdi. Artıq mən Musiqili Teatrın əməkdaşıyam. Hazırıda Şarl Peronun “Yatmış gözəl və cırtdanlar” tamaşasında baş rolun – Kral obrazının məşqlərinə başlamışam. İnanıram ki, mənə göstərilmiş etimadı doğruldacağam” - deyə Nicat Həbibov bildirib.

    Qeyd edək ki, buna qədər gənc aktyor “Sübhün səfiri” filmində Mirzə Fətəli Axundzadənin gəncliyini, “Sirr”, “Döngələr”, “Son hədd” və s. bədii film və seriallarda baş qəhrəmanların obrazlarını canlandırıb. Nicat Həbibovun vokal imkanlarının olması Musiqili Teatrda çalışmasına bilavasitə kömək olacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi