Yuxarı
    Bağlamaq

    Ukraynanın dörd şəhəri "Eurovision"u qəbul etmək istəyini bildirib

    Müsabiqənin keçirilməsinə Kiyev, Odessa, Dnepropetrovsk və Lvov iddia edir

    Bakı. 16 may. REPORT.AZ/ Ukraynanın dörd şəhərinin meri 2017-ci ildə "Eurovision" mahnı müsabiqəsini keçirməyə hazır olduqlarını bəyan edib.

    "Report" "zn.ua" portalına istinadən xəbər verir ki, müsabiqənin keçirilməsinə Kiyev, Odessa, Dnepropetrovsk və Lvov iddia edir.

    Kiyev şəhər meri Vitali Kliçko müsabiqənin keçirilməsi məkanı kimi "Olimpiyski" stadionunun nəzərdə tutulduğunu bildirib.

    Odessa meri Gennadi Truxanov Ukraynanın "Eurovision-2017"ni yüksək səviyyədə keçirəcəyinə əminliyini ifadə edib.

    Öz növbəsində, Dnepropetrovsk meri Boris Filatov müsabiqənin onların şəhərində keçirilməsi təklifiylə baş nazir Vladimir Qroysmana müraciət etməyə hazır olduğunu bildirib.

    Lvov şəhər başçısı Andrey Sadovoy da "Eurovision" müsabiqasinə ev sahibliyi etmək istədiklərini dilə gətirib.

    Qeyd edək ki, bu il müsabiqənin qalibi "1944" mahnısıyla Ukrayna təmsilçisi Camala olub. Ona görə də gələn il yarışma Ukraynada keçiriləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi