Yuxarı
    Bağlamaq

    Fransanın məşhur müğənnisi Rusiyada konsert verəcək

    Konsert gələn il martın 14-də Kreml Sarayında olacaq

    Bakı. 25 avqust . REPORT.AZ/ Məşhur Fransız müğənnisi Mirey Matye Moskvada konsert verəcək. 

    "Report" Rusiya mətbuatına istinadən xəbər verir ki, Fransanın əfsanəvi müğənnisinin konserti 2017-ci il martın 14-də Kreml Sarayının səhnəsində olacaq. 

    Kreml Sarayının rəhbərliyi məşhur müğənni ilə müqavilə imzalayıb. Müqavilənin dəyəri 7 milyon rubuldur. Müqavilənin şərtlərinə əsasən Fransanın məşhur müğənnisi martın 10-da Moskvaya gələcək.

    Rusiyaya gələn andan limuzinlə gəzəcək müğənni, yaşamaq üçün "Националь" mehmanxanasını seçib.

    Qeyd edək ki, M.Matye 1967-ci ilin yayında Mirey fransız müzik-holunun tərkibində SSRİ-də ilk dəfə çıxış edib. Sonralar o, 1976-cı ildə Fransa televiziyasının SSRİ həftəsi çərçivəsində Moskvada Böyük teatrda çıxış edib.

    2005-ci ilin noyabrında M.Matye "Olimpiya" səhnəsində yaradıcılığının 40 illiyinə həsr olunan və "40 il sevgi və ilham" adlı konsertlər verib. O, 2008, 2010 və 2012-ci illərdə Moskvada böyük konsert proqramları ilə çıxış edib.

    Ötən ay 70 illik yubileyini qeyd edən müğənniyə 2010-cu ildə Rusiya Federasiyasının prezidenti Dmitri Medvedyev "Dostluq Ordeni" təqdim edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi