Yuxarı

Fidan Hacıyeva Tbilisidə konsert proqramı ilə çıxış edib - FOTO

Fidan Hacıyeva Tbilisidə konsert proqramı ilə çıxış edib - FOTO
Konsert Heydər Əliyevin 95 illik yubileyinə həsr olunub

Tbilisi. 11 may. REPORT.AZ/ Azərbaycanın xalq artisti Fidan Hacıyeva mayın 11-də Tbilisidə Şota Rustaveli adına Dövlət Dram Teatrında konsert proqramı ilə çıxış edib.

"Report"un Gürcüstan bürosu xəbər verir ki, Azərbaycanın Gürcüstandakı səfirliyinin təşkilatçılığı ilə keçirilən konsertdə Türkiyə, Braziliya, Qazaxıstan, Ukrayna, ABŞ, Belarus və digər ölkələrin səfirliklərinin və konsulluqlarının əməkdaşları, Gürcüstanın dövlət və hökumət rəsmiləri, Kvemo Kartli bölgəsinin qubernatorunun müavini Zaur Darğallı, Bolnisi Rayon İcra Hakimiyyəti başçısının müavini Longinoz Həsənov və digər rəsmi şəxslər, ictimaiyyət numayəndələri iştirak ediblər.

Səfirliyin məsul əməkdaşı Samirə Ağayeva Fidan Hacıyevanın konsertinin ulu öndər Heydər Əliyevin 95 illik yubileyinə həsr olunduğunu bildirib.

Sonra xalq artisti "Sənsiz", "Sevgili canan", "Azərbaycan" və digər xalq və bəstəkar mahnılarını ifa edib. Fidan Hacıyevanı fortopianoda Səbinə Tağıyeva müşayiət edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi