Yuxarı
    Bağlamaq

    “Con Vik-2”nin jurnalistlər üçün xüsusi nümayişi olub

    Filmdə baş rolu məşhur aktyor Kianu Rivz ifadə edir

    Bakı. 8 fevral. REPORT.AZ/ Park Cinemada “Con Vik-2”nin jurnalistlər üçün xüsusi nümayişi olub. 

    “Report”un məlumatına görə, filmdə baş rolu məşhur aktyor Kianu Rivz ifadə edir.

    Filmin mövzusuna gəlincə, Con Vik vaxtilə dünyanın ən yaxşı killeri idi, lakin o, sonsuz ölümlərdən usanır və mənəvi rahatlıq axtarışına çıxır. Con işlərindən uzaqlaşır, lakin normal insan həyatından təzəcə həzz alırdı ki, yenidən silahlara üz tutmalı olur. Məsələ burasındadır ki, onun keçmiş həmkarı muzdlu qatillərdən ibarət məxfi qruplaşmaya başçılıq edir və Conun vaxtı ilə verdiyi and onu həmkarının köməyinə yetişməyə vadar edir. Vik dünyanın ən qəddar qatillərindən biri ilə mübarizəyə girməli olacağı Romaya yollanır.

    Maraqlı məqamdan biri də odur ki, filmdəki roluna hazırlıq zamanı Kianu Rivz iki tapançadan eyni anda atəş açmaq texnikası üzrə sabiq xüsusi təyinatlı döyüşçülərdən dərslər alıb.

    Qeyd edək ki, “Con Vik-2” Park Cinemanın ekranlarında geniş nümayişə fevralın 9-dan etibarən çıxacaq. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi