Bakı. 27 iyul. REPORT.AZ/ Uzun müddət koma vəziyyətində olan məşhur Amerika müğənnisi və aktrisası Uitni Hyustonun yeganə qızı Bobbi Kristina Braun vəfat edib. Bu barədə "Report" TASS-a istinadən xəbər verir.
Onun ailə üzvləri bildirib ki, mərhumun 22 yaşı var idi.
"O, nəhayət ki, əbədi rahatlıq tapdı",- Tonight Online portalının dərc etdiyi mərhumun qohumlarının bəyanatında deyilir. "Biz bir daha, son bir neçə ay ərzində bizə göstərdiyiniz böyük sevgi və dəstək üçün hər kəsə təşəkkür etmək istəyirik".
O, öz yaxınlarının əhatəsində Corciyadakı hotellərdən birində vəfat edib.