Türkiyənın tanınmış müğənnisi Sibel Can məhkəməyə verilib

Bakı. 24 noyabr. REPORT.AZ/ Türkiyənın tanınmış müğənnisi Sibel Can məhkəməyə verilib.

"Report" Türkiyə KİV-ə istinadən verdiyi məlumata görə, müğənni Alihan (Ali Kızıltepe) "Bir kış masalı" ("Bir qış nağılı") mahnısına görə bu addımı atıb. 

Xəbərdə bildirilir ki, Sibel Can Alihanın 1994-cü ildə bəstələdiyi "Bu kadın neden ağlıyor" ("Bu qadın niyə ağlayır") mahnısının musiqisini oğurlamaqda ittiham edilir. 

"Bir kış masalı" mahnısının musiqisinin "Bu kadın neden ağlıyor" mahnısının musiqisi ilə eyni olduğu sübüta yetirilib. Alihan isə şikayət ərizəsində Sibel Candan 30 min lirə (15 min manat) təzminat ödəməsini, onun ifasındakı "Bir kış masalı" mahnısının CD-lərinin bazarlardan yığışdıralaraq məhv edilməsini istəyib.