Oya Ergün “Sinemanın kral və kraliçası” yarışmasının seçimlərində çıxış edib

Bakı. 22 yanvar. REPORT.AZ/ Opera və vokal ifaçısı Oya Ergün Türkiyənin məşhur “Sinemanın kral və kraliçası” yarışmasının Azərbaycandakı seçimlərində çıxış edib.

"Report" xəbər verir ki, sənətçi  yarışmada sevilən mahnılarını ifa edib. 

Yarışmada münsif heyətində Atilla Kalplakarslan, Solaker, Arif İşık, Ceren Kalplakarslan, Tamer Karadağlı, Osman Avnı Kütükoğlu, Vilma Elles, Arif Kerem Göğüş, Salih Güney, köşə yazarı Caner Burdak və Azərbaycan nümayəndəliyinin rəhbəri Vüsalə Səid, aktrisa Məlahət Abbasova və modelyer Gülnarə Xəlilova yer alıb.

Onlar Azərbaycanın kral və kraliçasını seçiblər.

İştirakçılardan “Miss Union-2017” Beynəlxalq gözəllik müsabiqəsinin qalibi Səhər Əkbər və Azərbaycan Milli Konservatoriyasının 3-cü kurs tələbəsi Pərviz Musayev qalib seçilib. Gənclər Türkiyə filmlərində rol alacaqlar.