Müğənni Rihanna ABŞ prezidentini sərt şəkildə təhqir edib

Bakı. 29 yanvar. REPORT.AZ/ Müğənni Rihanna ABŞ prezidenti Donald Trampı "əxlaqsız donuz" adlandırıb.

"Report" xəbər verir ki, bu barədə o öz "Twitter" səhifəsində yazıb.

"Bu, iyrəncdir! Dəhşətli xəbərlərdir! Amerikanı elə gözlərimizin önündə dağıdırlar. Nə dərəcədə əxlaqsız donuz olasan ki, belə bir hərəkət edəsən (Rihanna burada söyüş mənasında işlədilən sözün qısaldılmış "BS" şəklindən istifadə edib — red.)", — deyə o bildirib.

Müğənninin bu şəkildə qəzəblənməsinə Trampın ölkənin miqrasiya qanunvericiliyini sərtləşdirməsi səbəb olub.