Nazirlik: Yaxın günlərdə yanvar ayının pensiyalarının köçürülməsinə başlanılacaq

Nazirlik: Yaxın günlərdə yanvar ayının pensiyalarının köçürülməsinə başlanılacaq "Azərbaycanda əmək pensiyalarının maliyyələşməsində hər hansı problem mövcud deyil"
Sosial müdafiə
160
12 Yanvar , 2017 15:04
Nazirlik: Yaxın günlərdə yanvar ayının pensiyalarının köçürülməsinə başlanılacaq

Bakı. 12 yanvar. REPORT.AZ/ "Yaxın günlərdə yanvar ayının pensiyalarının maliyyələşdirilməsi üçün tələb olunan vəsaitin pensiyaçıların hesablarına köçürülməsinə başlanılacaq".

“Report” xəbər verir ki, bunu Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsinin müdiri Elman Babayev deyib. 

Onun sözlərinə görə, Azərbaycanda əmək pensiyalarının maliyyələşməsində hər hansı problem mövcud deyil: "Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondu tərəfindən ötən dövrdə ölkəmizdə pensiyaların maliyyələşdirilməsi prosesi bütün aylarda heç bir gecikmə olmadan, normal qaydada həyata keçirilib. Vətəndaşlara hər ay vaxtlı-vaxtında, bir sıra hallarda vaxtından daha əvvəl pensiyaların ödənilməsi təmin edilib". 

Şöbə müdiri bildirib ki, cari ayda da pensiyaların maliyyə təminatında heç bir problem yoxdur: "Yeni təqvim ilinin ilk ayı, həmçinin bu ayın ilk günləri bayramla əlaqədar qeyri-iş günləri olduğundan pensiyaların plastik kart hesablarına çatdırılması müvafiq əlavə texniki prosedurlar keçirilməsi ilə təmin olunur. Ona görə də bunun maliyyə çatışmazlığı kimi qiymətləndirilməsi doğru deyil. Yaxın günlərdə yanvar ayının pensiyalarının maliyyələşdirilməsi üçün tələb olunan vəsaitin müvafiq qrafik əsasında pensiyaçıların hesablarına köçürülməsinə başlanılacaq".

Son xəbərlər

Orphus sistemi