Yuxarı

Vətəndaşların bələdiyyə qulluğuna qəbul edilməsi qaydaları dəyişdirilir

“Bələdiyyə qulluğu haqqında” Azərbaycan Respublikasının qanununa dəyişiklik ediləcək

Bakı. 19 yanvar. REPORT.AZ/ Vətəndaşların bələdiyyə qulluğuna qəbul edilməsi qaydaları dəyişdirilir. “Report”un məlumatına görə, bu barədə məsələ Milli Məclisin Regional komitəsinin bu gün keçirilən iclasında müzakirə edilən “Bələdiyyə qulluğu haqqında” Azərbaycan Respublikasının qanununa edilən dəyişikliklərdə öz əksini tapıb.

Qanunun 5-ci maddəsinin ikinci hissəsində “bələdiyyənin sədri birbaşa təyin edir” sözləri “bələdiyyənin müsabiqə komissiyasının qiymətləndirməsinin nəticəsinə uyğun olaraq bələdiyyənin sədri təyin edir” sözləri ilə əvəz edilib.
Komissiya sədri Arif Rəhimzadə qeyd edib ki, bu günədək bələdiyyə qulluğuna işçiləri bələdiyyənin sədri qəbul edirdi: “Düzəlişə görə, seçki komissiyası yaradılır və bu seçki komissiyasının müsbət qərarı olandan sonra bələdiyyə sədri o şəxsləri bələdiyyə qulluqçusu kimi işə götürə bilər”.
A.Rəhimzadə qeyd edib ki, bu düzəliş bələdiyyələrdə şəffaflığın artırılmasını və bələdiyyələrlə seçicilər arasında əlaqələrin daha da möhkəmləndirilməsini təmin edəcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi