Bakı. 13 aprel. REPORT.AZ/ Azərbaycan qanunvericiliyində “valideynləri əvəz edənlər” sözləri “digər qanuni nümayəndələr” sözləri ilə əvəz edilib.
"Report"un xəbərinə görə, bununla bağlı Nazirlər Kabineti “Ümumtəhsil internat məktəblərinin nümunəvi Əsasnaməsi”ndə, “Çətin həyat şəraitində olan şəxslərə (ailələrə) dövlət büdcəsinin vəsaiti hesabına göstərilən sosial xidmətin zəmanət verilmiş həcmi”ndə, “Ailə tipli kiçik qrup evinin Nümunəvi Nizamnaməsi”ndə və “Yetkinlik yaşına çatmayanların baxımsızlığının və hüquq pozuntularının profilaktikası haqqında" qərarında dəyişiklik edilib.
Qərarları baş nazir Artur Rasi-zadə imzalayıb.