Yuxarı

​Son beş ildə Naxçıvanda nikahların sayında azalma, boşanmalarda artım qeydə alınıb

2015-ci ildə muxtar respublikada 2639 nikah, 332 boşanma olub

Bakı. 28 aprel. REPORT.AZ/ Keçən il Naxçıvan Muxtar Respublikasında 2639 nikah, 332 boşanma qeydə alınıb.

Bu barədə "Report"a Muxtar Respublikanın Dövlət Statistika Komitəsindən bildirilib.

Müvafiq olaraq 2014-cü ildə 2767 nikah, 334 boşanma olub.

Ötən il nikahların sayında azalma qeydə alınsa da, son iki ildə muxtar respublikada əhalinin hər 1000 nəfərinə 0,8 boşanma halı düşüb.

Naxçıvan şəhərində ötən il 520 nikah, 78 boşanma, Şərurda 539 nikaha qarşı 67, Babəkdə 494 nikaha qarşı 70, Ordubadda 317 nikaha qarşı 41, Culfada 326 nikaha qarşı 23, Kəngərlidə 216 nikaha qarşı 21, Şahbuzda 146 nikaha qarşı 27, Sədərkdə 81 nikaha qarşı 5 boşanma halı qeydə alınıb.

2010-cu illə müqayisədə ötən il muxtar respublikada nikahların sayında 758 azalma qeydə alınsa da, boşanmaların sayı 2010-cu ildə olan rəqəmlə eyni olub.

Belə ki, 2010-cu ildə muxtar respublikada ümumillikdə 3397 nikah, 333 boşanma halı qeydə alınıb.

Ötən il Naxçıvan şəhərində 584 nikah, 101 boşanma, Şərurda 847 nikah, 56 boşanma, Babəkdə 617 nikah 59 boşanma, Ordubadda 344 nikah 31 boşanma, Culfada 395 nikah, 34 boşanma, Kəngərlidə 299 nikah, cəmi 22 boşanma, Şahbuzda 195 nikaha qarşı 24, Sədərkdə 116 nikaha qarşı cəmi 6 boşanma qeydə alınıb.  

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi