Yuxarı

Şirvanda əlillər üçün Regional Bərpa Mərkəzində müasir reabilitasiya şəraiti yaradılır

​Şirvanda əlillər üçün Regional Bərpa Mərkəzində müasir reabilitasiya

Şirvan şəhərindəki Əlilliyi olan şəxslər üçün Regional Bərpa Mərkəzində müasir reabilitasiya şəraiti yaradılır.

Əmək və Əhalinin Sosial Müdafiəsi Nazirliyinin (ƏƏSMN) İctimaiyyətlə əlaqələr və kommunikasiya şöbəsindən "Report"a verilən məlumata görə, Nazirlik yanında Dövlət Tibbi-Sosial Ekspertiza və Reabilitasiya Xidmətinin tabeliyində fəaliyyət göstərən müəssisədə hazırda əsaslı təmir və yenidənqurma işləri aparılır. Burada müasir tələblərə uyğun reabilitasiya şəraiti yaradılacaq, sınanmış fizioterapevtik metodların tətbiqi və müasir avadanlıqlardan istifadə əsasında əlilliyi olan şəxslərə kompleks tibbi-sosial reabilitasiya xidmətləri göstəriləcək.

Əlilliyi olan şəxslər üçün reabilitasiya infrastrukturunun təkmilləşdirilməsi işləri Şirvan şəhərindəki Əlilliyi olan şəxslər üçün Regional Bərpa Mərkəzini də əhatə edir.

Müəssisə Şirvan şəhərində və ətraf rayonlarda yaşayan əlilliyi olan şəxslər üçün nəzərdə tutulub. Mərkəzdə əsaslı təmir və yenidənqurma işlərinin cari ilin sonuna qədər yekunlaşdırılması nəzərdə tutulur. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi