Yuxarı
    Bağlamaq

    Sağlamlıq imkanları məhdud olan şəxslərə əlil arabası verilib

    Əlil arabaları bölgələrdə yaşayan şəxslərə faktiki yaşadıqları ünvanlara aparılmaqla, şəxsən təqdim olunur

    Bakı. 23 iyun. REPORT.AZ/ Əmək və Əhalinin Sosial Müdafiəsi Nazirliyi (ƏƏSMN) bu ilin ilk 6 ayında 928 nəfər əlilliyi olan şəxsi əlil arabası ilə təmin edib. Bu barədə "Report"a ƏƏSMN-in İctimaiyyətlə əlaqələr şöbəsindən məlumat verilib.

    Məlumatda bildirilib ki, yaşadıqları rayonun (şəhərin) Tibbi-Sosial Ekspert Komissiyasının (TSEK) əlil arabasının verilməsi barədə qərar qəbul etdiyi əlilliyi olan şəxslər və sağlamlıq imkanları məhdud uşaqları ƏƏSMN-in Protez-Ortopedik Bərpa Mərkəzi əlil arabası ilə təmin edir. Müvafiq hallarda bölgələrdə yaşayan əlilliyi olan şəxslərə və sağlamlıq imkanları məhdud uşaqlara əlil arabaları həmin insanların faktiki yaşadıqları ünvanlara aparılmaqla, şəxsən təqdim olunur. Son günlərdə bu məqsədlə 20 ədəd əlil arabası xüsusi ayrılmış avtomaşınla Gəncə şəhəri və ətraf rayonlara göndərilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi