Rəis: "Ötən il Dövlət Miqrasiya Xidmətinə 9 nəfər işə qəbul olunub"

Bakı. 11 yanvar. REPORT.AZ/ "Ötən il Dövlət Miqrasiya Xidmətinə 9 nəfər işə qəbul olunub".

"Report" xəbər verir ki, bunu Dövlət Miqrasiya Xidmətinin 2018-ci ilin yekunlarına həsr olunmuş mətbuat konfransında xidmət rəisi Vüsal Hüseynov deyib.

O bildirib ki, 2018-ci ildə Dövlət Miqrasiya Xidməti işçi qəbulu ilə bağlı iki elan verib: "İlk elan kiçik heyət, ikinci isə orta rütbəli şəxslər üçün idi".

V.Hüseynov qeyd edib ki, birinci elan olunan imtahanlardan keçən şəxslər artıq xidmətdə fəaliyyətə başlayıb: "İkinci dəfə elan olunan imtahana müraciət edənlər isə hazırda müsahibə mərhələsindədirlər. Bu imtahan üzrə 14 vakant yer verilib".