Paytaxtın Zabrat qəsəbəsində yeni açılmış "RAHAT” supermarketdə aztəminatlı ailələr üçün Novruz bayramı münasibətilə bazarlıq kuponları paylanıb.
"Report" xəbər verir ki, "Regional İnkişaf" İctimai Birliyi və "RAHAT" supermarketin birgə təşkilatçılığı ilə aztəminatlı 100 ailə üçün "100 manatlıq" bazarlıq kuponları hədiyyə edilib.
"ANC Group" MMC-nin direktoru Samir Abdullayev deyib ki, bu layihəni gerçəkləşdirməkdə məqsəd bayram günü aztəminatlı ailələrə dəstək olmaqdır. Kuponlarla istənilən "RAHAT" supermarketlər şəbəkəsinə yaxınlaşararaq alış-veriş etmək olar.