Pensiyaların tam ödənilməsi aprelin 15-də başa çatacaq

Respublika üzrə pensiyaların aprelin 15-də tam ödənilərək yekunlaşdırılması nəzərdə tutulub.

Bu barədə "Report"a Dövlət Sosial Müdafiə Fondundan məlumat verilib.

Qeyd olunub ki, 2022-ci il üzrə verilməsi nəzərdə tutulan 200 manat maddi yardımın II rüb üzrə ödəniləcək 50 manatı da aprel ayının pensiyasının üzərinə əlavə olunacaq. Həmin gün güzəştli şərtlərlə pensiya hüququna malik şəxslərin də pensiyaları ödəniləcək.