Yuxarı

​Ombudsman şəhid ailələrinə baş çəkib

Şəhidlərin yaxınlarına baş sağlığı verib

Bakı. 7 aprel. REPORT.AZ/ Azərbaycanın İnsan Hüquqları üzrə Müvəkkili Elmira Süleymanova son günlər cəbhə bölgəsində düşmən təxribatının qarşısının alınması zamanı qəhrəmancasına həlak olmuş polkovnik leytenant  Raqub Cahangir oğlu Orucov və gizir  Murad Vaqif oğlu Məmmədovun Sumqayıt şəhərində yaşayan ailələrinə baş çəkib.

Bu barədə "Report"a Aparatın mətbuat xidmətindən məlumat verilib.

Məlumata görə, Ombudsman onların döyüşlərdə göstərdikləri şücaəti və vətənpərvərliklərini yüksək qiymətləndirərək, Şəhidlərin yaxınlarına baş sağlığı verib, Allahdan onlara səbir diləyib və şəhidlərin qisasının yaxın zamanlarda layiqincə alınacağına, mənfur düşmənlərin zəbt olunmuş torpaqlarımızdan təmizlənəcəyinə ümid etdiyini bildirib.

Şəhidlərin ailə üzvləri və yaxınları əzizlərinin Şəhidlik zirvəsinə yüksəlmələri ilə fəxr etdiklərini və "Vətən sağ olsun!" söyləyərək onlara göstərilən qayğıya, diqqətə və şəhidlərin ruhuna göstərilən yüksək hörmətə görə, başda Ali Baş Komandan olmaqla bütün Azərbaycan xalqına minnətdarlıqlarını bildirib.

Bu görüşlərdə millət vəkili Qənirə Paşayeva da iştirak edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi