Nazir: Azərbaycanda minimum əməkhaqqı, sosial müavinət və təqaüdlərin həcmi artıb

Son illərdə Azərbaycanda beş böyük sosial islahat paketi həyata keçirilib, minimum əməkhaqqı, sosial müavinət və təqaüdlərin həcmi artıb.

"Report" xəbər verir ki, bunu əmək və əhalinin sosial müdafiəsi naziri Anar Əliyev mayın 29-da Bakıda "Müasir dünyanın çağırışları kontekstində sosial müdafiə sistemlərinin uyğunlaşdırılması" mövzusunda keçirilən beynəlxalq konfransda deyib.

Onun sözlərinə görə, cari ildə icrasına başlanılmış yeni islahat paketi üç milyon nəfəri əhatə edir:

"Şəhid ailələri və müharibə əlillərinin sosial müdafiəsi daim diqqət mərkəzində saxlanılır. Minimum əməkhaqqı 3,1 dəfə, minimum pensiya 2,9 dəfə, orta aylıq pensiya 2,6 dəfə, orta aylıq əməkhaqqı isə 2 dəfəyədək artıb".