Naxçıvanda II karyera sərgisi açılıb

Naxçıvan şəhərində II karyera sərgisi keçirilir.

“Report”un yerli bürosunun məlumatına görə, 28-i dövlət, 14-ü özəl müəssisə olmaqla, ümumilikdə 42 təşkilat sərgiyə vakant vəzifə çıxarıb.

Qeyd olunub ki, iki gün davam edəcək sərgiyə 5 mindən çox tələbə və məzun olmaqla, ümumilikdə, 7 min iştirakçının qatılacağı gözlənilir.

Onlar müəssisə nümayəndələri ilə görüşmək, şəxsi məlumatlarını təqdim etmək, təcrübə və vakant iş yerləri haqqında birbaşa məlumat almaq imkanı əldə edəcəklər.

Sərgi müddətində Bakıdan dəvət olunmuş peşəkar mütəxəssislər tərəfindən müxtəlif mövzularda təlimlər keçiriləcək.

Bildirilib ki, ötən il keçirilən I karyera sərgisində təqdim olunan şəxsi məlumatlar əsasında artıq 100-ə yaxın şəxs işlə təmin edilib.