Bakı. 4 oktyabr. REPORT.AZ/ "Məlumat Bankının hazırlanması ilə bağlı aparılan araşdırmalar nəticəsində məlum olub ki, məişət zorakılığına məruz qalan şəxslərin 85.5 faizi qadınlardır".
"Report" xəbər verir ki, bunu Məişət zorakılığı ilə bağlı elektron məlumat bankının təqdimat mərasimində Ailə, Qadın və Uşaq Problemləri üzrə Dövlət Komitəsinin baş məsləhətçisi Aynur Veysəlova deyib.
O bildirib ki, təhlillər kişilərin də məişət zorakılığına məruz qaldığını göstərir: "Təəssüflər olsun ki, məişət zorakılığına məruz qalan şəxslərin arasında yetkinlik yaşına çatmayan uşaqlar da var, onların 3.5 faizi heç təhsil almayıb, 1.7 faizi məktəblidir."
A.Veysəlova qeyd edib ki, məişət zorakılığına məruz qalan şəxslərin 74.3 faizi ailəlidir.