Yuxarı

Lənkəranın Balıqçılar qəsəbəsində səyyar qəbul keçirilib

​Lənkəranın Balıqçılar qəsəbəsində səyyar qəbul keçirilib

Lənkəran Şəhər İcra Hakimiyyətinin başçısı noyabrın 20-də rayonun ən ucqar yaşayış məntəqələrindən olan Balıqçılar qəsəbəsində səyyar qəbul keçirib. 

"Report" xəbər verir ki, Lənkəran Şəhər İcra Hakimiyyəti başçısı Aparatının, hüquq-mühafizə orqanlarının, təhsil, səhiyyə, mədəniyyət idarələrinin və xidmət təşkilatlarının rəhbər işçilərinin iştirakı ilə keçən səyyar qəbul-görüşü sakinlər razılıqla qarşılayıblar. 

Səyyar qəbulda sakinlərin tam sərbəst şəkildə söylədikləri, arzu və təkliflər həssaslıqla dinlənilib, səsləndirdikləri məsələlər əlaqədar məsul şəxslərin iştirakı ilə yerindəcə araşdırılaraq həlli ilə bağlı tədbirlər müəyyənləşdirilib. Həlli vaxt tələb etdiyindən nəzarətə götürülən bəzi məsələlərlə bağlı aidiyyəti üzrə məsul şəxslərə müvafiq tapşırıqlar verilib. Səyyar qəbulların keçirilməsindən razı qaldıqlarını bildirən sakinlər əvvəlki qəbullar zamanı qaldırdıqları məsələlərin həlli ilə bağlı görülən tədbirləri yüksək dəyərləndiriblər. Çıxışlarda ölkənin hər yerində olduğu kimi Lənkəran rayonunun da sosial-iqtisadi inkişafı sahəsində görülən işlərə, xüsusilə çətin təbii şəraitə və iqlimə malik Balıqçılar qəsəbəsinin başdan-başa qazlaşdırılmasına, magistral yolun asfaltlanmasına, elektrik enerjisinin fasiləsiz verilməsinə, əhalinin maddi-məişət şəraitinin yaxşılaşdırılması üçün həyata keçirilən digər işlərə görə ölkə rəhbərliyinin ünvanına çoxsaylı minnətdarlıqlar ifadə olunub. 

Qeyd edək ki, vətəndaş müraciətlərinə baxılmasına diqqətin artırılması ilə bağlı dövlət başçısının qarşıya qoyduğu vəzifələr Lənkəran Şəhər İcra Hakimiyyətinin gündəlik fəaliyyətinin prioritet istiqamətini təşkil edir. İcra aparatında keçirilən qəbullarla yanaşı, icra başçısı sakinlərin rahatlığı üçün qabaqcadan elan olunmuş qrafikə uyğun olaraq, yerlərdə də səyyar qəbul-görüşlər keçirib mövcud problemlərlə yerindəcə tanış olur və həllindən ötrü tədbirlər müəyyənləşdirir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi