Komitə sədri medianı qadınlarla bağlı hadisələri detallı yaymamağa çağırıb

"Media qadınlarla əlaqəli hər hansı bir xəbər verəndə bütün detalları açıq şəkildə yayır. Bu xəbərdən sonra həmin qadının aqibəti barədə düşünülmür. Bu hal bizi çox narahat edir".

“Report” xəbər verir ki, bunu Milli Məclisin Ailə, qadın və uşaq məsələləri komitəsinin sədri Hicran Hüseynova deyib.

“Qadın bu kimi xəbərlərdən sonra harada və necə yaşayacaq?! Yaxud hansısa hadisədən sonra barışıq və ya nəsə olsa, həmin qadın çox sıxıntı çəkəcək. Bax, bu məsələdə müəyyən boşluqlar var və aradan qaldırılması üçün mətbuatla işləmək lazımdır”, - o vurğulayıb.