Yuxarı
    Bağlamaq

    Kəmaləddin Heydərov Neftçalada vətəndaşları qəbul edəcək

    Qəbulda Şirvan şəhərinin, Neftçala, Salyan, Biləsuvar rayonlarının sakinləri iştirak edə bilərlər

    Bakı. 28 oktyabr. REPORT.AZ/ Fövqəladə hallar naziri Kəmaləddin Heydərov oktyabrın 30-da Neftçala şəhərində vətəndaşlarla görüşəcək. Bu barədə "Report"a Nazirliyin mətbuat xidmətindən məlumat verilib.

    Məlumata əsasən, qəbul Neftçala  rayonun Dövlət Yanğından Mühafizə Hissəsinin inzibati binasında saat 11.00-da olacaq.

    Görüşdə Şirvan şəhərinin, Neftçala, Salyan, Biləsuvar rayonlarının sakinləri, həmçinin həmin şəhər və rayonlarda məskunlaşan məcburi köçkünlər iştirak edə bilərlər.

    Qəbulda yalnız Fövqəladə Hallar Nazirliyinin fəaliyyəti ilə bağlı müraciətlərə baxılacaqdır. Qəbula gələn vətəndaşların qeydiyyatı Neftçala Rayon Dövlət Yanğından Mühafizə Hissəsinin inzibati binasında oktyabrın 29-da saat 09.00-da başlayacaq. Qəbula gələn vətəndaşlar şəxsiyyəti təsdiq edən sənəd təqdim etməlidirlər. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi