İnsan Alveri Qurbanlarına Yardım Mərkəzində 326 şəxsin reabilitasiyası aparılıb 

Sosial Xidmətlər Agentliyinin tabeliyindəki İnsan Alveri Qurbanlarına Yardım Mərkəzində 326 şəxsin sosial reabilitasiya işləri aparıb.

"Report" xəbər verir ki, bunu Əmək və Əhalinin Sosial Müdafiəsi Nazirliyi tabeliyində Sosial Xidmətlər Agentliyinin İdarə heyətinin sədri Vüqar Behbudov "İnsan alverinə qarşı mübarizə: fəaliyyət və perspektivlər" mövzusunda keçirilən tədbirdə çıxışı zamanı deyib.

V.Behbudov bildirib ki, onlardan 203 nəfər Daxili İşlər Nazirliyi tərəfindən Əmək və Əhalinin Sosial Müdafiəsi Nazirliyinə yönləndirilən insan alveri qurbanları, 123 nəfər müvafiq dövlət qurumları, qeyri-hökumət təşkilatları tərəfindən istiqamətləndirilən potensial insan alveri qurbanları olub.