Yuxarı

İşsizlik üzrə icbari sığorta ilə bağlı layihə Nazirlər Kabinetinə təqdim olunacaq

Nazir: Məşğulluq mərkəzlərinə artıq maliyyə-bank sektorunda çalışmış 2,7 min nəfər müraciət edib

Bakı. 11 oktybar. REPORT.AZ/ Yaxın zamanda işsizlik üzrə icbari sığorta haqqında müvafiq layihə Nazirlər Kabinetinə təqdim olunacaq.

"Report" xəbər verir ki, bu barədə əmək və əhalinin sosial müdafiəsi naziri Səlim Müslümov Binəqədi rayonunda Məşğulluq Xidməti Mərkəzinin açılışında jurnalistlərə açıqlamasında məlumat verib.

"Bu günə qədər bu qanun layihəsi bütün müvafiq qurumlar tərəfindən nəzərdən keçirilib və biz Azərbaycan Respublikası Maliyyə Nazirliyindən son rəyi gözləyirik", - deyə S.Müslümov bildirib.

Onun sözlərinə görə, heç kim iş yerinin itirilməsindən sığortalanmayıb və belə qanunun qəbulu insanlara rahat işləmək imkanı yaradacaq: "Nəticədə insanlar işlərini itirməkdən qorxmayacaq və əmək hüquqlarını tələb edə biləcəklər. Bu prosesi sistemləşdirmək lazımdır".

O bildirib ki, işçi işini itirdiyi halda ona işsizlik üzrə müavinət ödəniləcək: "Bu sahədə qanunun olmaması bəzi çətinliklər yaradır. Məsələn, ölkədə bankların bağlanması və bankların konsolidasiyası prosesinin başlanması, eləcə də valyuta mübadiləsi məntəqələrinin ləğvi ilə əlaqədar bir çox insanlar iş yerlərini itirdi. Bizim Məşğulluq Mərkəzlərinə artıq maliyyə-bank sektorunda çalışmış 2,7 min nəfər müraciət edib".

Nazir vurğulayıb ki, maliyyə və bank sektorunda ümumiyyətlə, əmək haqqı yüksək olur, təxminən 1252 manatdır və onlar subsidiyaların kimi əmək haqqının 70%-ni ödəməli olacaq. O, 15 milyon manatın subsidiyaların ödənilməsi üçün kifayət etmədiyini də sözlərinə əlavə edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi