Yuxarı
    Bağlamaq

    ​“İşsizlik müavinətlərinin maliyyələşdirilməsi haqqında” qərara dəyişikliklər edilib

    Nazirlər Kabineti müvafiq qərar qəbul edib

    Bakı. 5 iyul. REPORT.AZ/ Nazirlər Kabinetinin “İşsizlik müavinətlərinin maliyyələşdirilməsi haqqında” qərarına dəyişikliklər edilib.

    "Report" xəbər verir ki, bu barədə qərarı baş nazir Artur Rasi-zadə imzalayıb.

    Qərar “Əhalinin sosial müdafiəsi sahəsində idarəetmənin təkmilləşdirilməsi tədbirləri haqqında” fərmanının 3.2-ci bəndinin icrasını təmin etmək məqsədi ilə qəbul olunub.

    Qərara aşağıdakı dəyişikliklər edilib:

    1. 1-ci hissənin ikinci abzasından “Azərbaycan Respublikasının Dövlət Sosial Müdafiə Fondu ilə birlikdə” sözləri çıxarılsın.

    2. 5-ci və 10-cu hissələrdə “Dövlət Sosial Müdafiə Fondu tərəfindən” sözləri “Dövlət Sosial Müdafiə Fondundan” sözləri ilə əvəz edilsin.

    3. 6-cı hissədə “Dövlət Sosial Müdafiə Fonduna” sözləri “Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fonduna” sözləri ilə əvəz edilsin.

    4. 8-ci hissədən “Azərbaycan Respublikasının Dövlət Sosial Müdafiə Fondu,” sözləri çıxarılsın.

    5. 10-cu hissədə “Dövlət Sosial Müdafiə Fondunun” sözləri “Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun” sözləri ilə əvəz edilsin.

    6. 11-ci hissənin ikinci abzasına “düzgün aparılmasına və” sözlərindən sonra “vaxtında maliyyələşdirilməsinə,” sözləri əlavə edilsin və dördüncü abzası ləğv edilsin.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi