Hüquqşünas-vəkil şəhid ailələrinə və qazilərə təmənnasız hüquqi yardım göstərəcək

“Vətən müharibəsində şəhid olan şəxslərin ailə üzvlərinə və qazilərə ödənişsiz hüquqi yardım göstərməyə hazıram”.

“Report” xəbər verir ki, bu barədə Vəkillər Kollegiyasının üzvü Elçin Nadirov məlumat yayıb.

O qeyd edib ki, şəhid ailələrinə və qazilərə tam təmənnasız hüquqi xidmət göstərəcək:

“Biz Azərbaycanın qəhrəman övladlarına daim borcluyuq. Həmin şəxslər istənilən problemin həllində peşəkar hüquqi dəstək üçün 050 233 27 77 mobil nömrəsi (WhatsApp) və [email protected] elektron poçt ünvanı vasitəsilə müraciət edə bilərlər".