Gənclər və idman naziri Qusarda vətəndaşları qəbul edəcək

Bakı. 20 fevral. REPORT.AZ/ Gənclər və idman naziri Azad Rəhimov fevralın 25-də Qusar rayonunda vətəndaşları qəbul edəcək. Bu barədə "Report"a Gənclər və İdman Nazirliyinin mətbuat xidmətindən məlumat verilib.

Rayondakı Heydər Əliyev Mərkəzində baş tutacaq qəbulda Quba, Qusar, Siyəzən, Şabran və Xaçmaz rayon sakinləri iştirak edə bilərlər.

Qəbul üçün vətəndaşların qeydiyyatı fevralın 20-dən 24-dək saat 09:00-dan 18:00-dək aparılacaq.