Gəncədə əmək yarmarkası keçirilib

Sosial müdafiə

23 may, 2023
11:23

Gəncə şəhərində əmək yarmarkası keçirilib.

"Report"un Qərb bürosunun məlumatına görə, tədbir Azərbaycan Texnologiya Universiteti və Dövlət Məşğulluq Agentliyinin birgə təşkilatçılığı ilə baş tutub.

Tədbirdə universitetdə əmək bazarının tələblərinə uyğun kadr hazırlanması istiqamətində görülən işlərdən danışılıb.

Universitetin bu il məzun olacaq 660 tələbə və magistrantları, eləcə də ötən illər üzrə məzunları işəgötürənlərin stendlərinə yaxınlaşaraq vakansiyalarla yaxından tanış olub, şəxsi məlumatlarını təqdim ediblər.

Bir sıra dövlət və özəl müəssisələri, eləcə də banklar yarmarkada işəgötürənlər qismində çıxış edib.

Ümumilikdə əmək yarmarkasında 40-dan çox müəssisə tərəfindən 400-dən çox vakansiya təqdim olunub.