Bakı. 23 aprel. REPORT.AZ/ Əmək və əhalinin sosial müdafiəsi naziri vəzifəsinə təyin edilmiş Sahil Babayev Prezident İlham Əliyevin ona göstərdiyi yüksək etimada görə minnətdarlığını bildirib.
“Report”un xəbərinə görə, yeni nazir dövlət başçısının əmək və sosial müdafiə sahəsi ilə bağlı müəyyən etdiyi vəzifələrin layiqli şəkildə icrasının təmin ediləcəyini vurğulayıb.
S.Babayev Nazirliyin fəaliyyətinin bütün istiqamətlərində şəffaflığın tam təmin ediləcəyini, ən mütərəqqi beynəlxalq təcrübəyə uyğun olaraq, normativ-hüquqi bazanın və inzibati icraatın təkmilləşdiriləcəyini bildirib və Nazirliyin fəaliyyətində sistemli yanaşma və sosial ədalət prinsiplərinin rəhbər tutulacağını qeyd edib.