Yuxarı

Elman Mehdiyev: "Fondun gəlirləri pensiya və müavinətlərin qrafikdən əvvəl maliyyələşdirilməsinə imkan verib"

Fondun sosial sığorta gəlirləri 8 faiz artıb

Bakı. 23 iyul. REPORT.AZ/ "Dövlət Sosial Müdafiə Fondunun gəlir və xərclərinin icrası, sığorta-pensiya sistemində beynəlxalq standartların tətbiqi və əmək pensiyaçılarının sosial müdafiəsinin gücləndirilməsi tədbirləri son 6 ayda da davam edib". "Report" xəbər verir ki, bunu Fondun sədri Elman Mehdiyev deyib. 

O, 6 ayda Fondun cəmi gəlirlərinin 1466,5 milyon manat təşkil etməklə, əvvəlki ilin müvafiq dövrünə nisbətən 3,2 faiz və ya 44,8 milyon manat artdığını bildirib: "Fondun sosial sığorta gəlirləri 8 faiz artaraq 870,2 milyon manat təşkil edib. Bu daxilolmaların 65,3 faizi və ya 568,5 milyon manatı qeyri-büdcə sektorunun payına düşüb ki, bu da əvvəlki ilin birinci yarısına nisbətən 9,5 faiz və ya 49 milyon manat yuxarıdır".

Fondun sədri əlavə edib ki, 6 ayı ərzində DSMF-nin xərcləri 1457,7 milyon manat təşkil edib: "Bu vəsaitin 98,2 faizi və ya 1431 milyon manatı əhaliyə ödənişlərə yönəldilib. Fond üzrə ümumi daxilolmaların səviyyəsi pensiya və müavinətlərin qrafikdən əvvəl maliyyələşdirilməsinə imkan verib".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi