Yuxarı

​Əmək Müfəttişliyi Xidməti bir ayda 1954 halda işçi hüquqlarının pozulması faktını aşkar edib

Aidiyyəti işəgötürənlərə tətbiq olunmuş cərimələrin 40,7 faizi dövlət büdcəsinə ödənilib

Bakı. 7 noyabr. REPORT.AZ/ Azərbaycan Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti (DƏMX) cari ilin oktyabr ayında iş yerlərində əmək qanunvericiliyinə əməl olunmasına dövlət nəzarəti zamanı ayrı-ayrı müəssisələrdə ümumilikdə 1954 halda əmək qanunvericiliyinin pozulması faktını aşkar edib.

Bu barədə “Report”a nazirliyin İctimaiyyətlə əlaqələr şöbəsindən bildirilib.

Aşkar edilən hüquq pozuntuları ilə bağlı İnzibati Xətalar Məcəlləsinin müvafiq maddələrinə uyğun olaraq, aidiyyəti işəgötürənlərə tətbiq olunmuş cərimələrin 40,7 faizi (150398 manat) dövlət büdcəsinə ödənilib. Bu göstərici ötən ilin oktyabr ayına dair müvafiq göstərici ilə müqayisədə 19,5 dəfə çoxdur.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi