ƏƏSMN: "İndiyədək 124 min vətəndaşımıza 281 min xidmət göstərilib"

"Əmək və Əhalinin Sosial Müdafiəsi Nazirliyinin keçirdiyi proqramlar əsasında indiyədək 124 min vətəndaşımıza 281 min xidmət göstərilib".

"Report" xəbər verir ki, bunu jurnalistlərə açıqlamasında əmək və əhalinin sosial müdafiəsi nazirinin müavini Vüsal Nəsirli deyib.

Onun sözlərinə görə bu xidmətlər daimi əsasda göstərilir:

"Nazirlik şəhid ailələri, müharibə əlillərinə iştirakçılarının, eləcə də müharibədən zərər çəkmiş vətəndaşlarımızı əhatə edən proqramlar icra edir. Bu proqramlar təkcə mənzil və avtomobil təminatı ilə məhdudlaşmır. Bu xidmətlər arasında əsasən müharibədən kateqoriyadan olan vətəndaşlarımızın sosial ödənişlərinin təmin olunması, onların sosial psixoloji reabilitasiya xidmətləri ilə əhatə olunması, müharibə əlillərimizin protezləşmə ilə təmin olunması, məşğulluq məsələləri ilə bağlı köməkliyin olunması o cümlədən özünə məşğulluq kimi aktiv məşğulluq proqramlarına cəlb olunmasıdır".

Nazir müavini bildirib ki, ötən dövr ərzində 7 500-dən artıq avtomobil müharibə əlillərinə və onlara bərabər tutulan şəxslərə təqdim edilib.