Dövlət Reklam Agentliyinin rəsmi saytı hazırlanır

Bakı. 16 mart. REPORT.AZ/ Azərbaycanda yenicə fəaliyyətə başlamış Dövlət Reklam Agentliyinin rəsmi saytı hazırlanır.

“Report”un məlumatına görə, sayt adra.gov.az domenində yerləşəcək. Sayt tezliklə istifadəyə veriləcək.

Xatırladaq ki, Prezident İlham Əliyev 2017-ci ilin iyun ayının 20-də Dövlət Reklam Agentliyinin yaradılması haqqında fərman imzalayıb. Prezidentin həmin gün imzaladığı sərəncamla Aydın İbadov Dövlət Reklam Agentliyinin direktoru təyin edilib. Agentliyin Müşahidə Şurasının sədri isə Murad Rəhimovdur.