Dövlət Miqrasiya Xidmətinin yeni rəisi bəzi şəxslərin işdən kənarlaşdırılacağını bəyan edib

Bakı. 17 may. REPORT.AZ/  "Kadr islahatları bizim daxili idarəçiliyimizin bir hissəsidir".

"Report" xəbər verir ki, bunu jurnalistlərə açıqlamasında Dövlər Miqrasiya Xidmətinin rəisi Vüsal Hüseynov deyib. 

O bildirib ki, kadr islahatları mütəmadi aparılan prosesdir: "O kadrlar ki, cənab Prezidentin müəyyən etdiyi tapşırıqları icra etməyə qadirdir, onlarla işləyəcəyik. Şərtlər müəyyən şəxslərin kənarlaşdırılmasını istisna etmir.

Bizim yanaşmamız ondan ibarətdir ki, işçilərin bilik və bacarıqlarını artıraq. Bununla bağlı biz müəyyən yerdəyişmələr həyata keçiririk. Müəyyən təlim potensialını gücləndiririk".